തടവറകള്‍ 

പിറന്ന നാള്‍മുതല്‍

ഈ തടവറയുടെ

ഉറച്ച ഭിത്തികള്‍ മാത്രം.

ഈ ഭിത്തികളില്‍

കറുപ്പിച്ച് എഴുതിയിരിക്കുന്നു,

“നീ കരയരുത്"

"നീ പൊട്ടിച്ചിരിക്കരുത്"

അങ്ങനെ,

നൂറുകണക്കിന് വിലക്കുകള്‍

എല്ലാം

മനഃപാഠമാക്കിയിട്ടുണ്ട്.

പക്ഷേ,

ഹൃദയം ഒന്നും അനുസരിക്കുന്നില്ല.

അതിനു

സ്വപ്നങ്ങളുണ്ട്,

പ്രതീക്ഷകളുണ്ട്.

ചിറകുകള്‍ വേണമെന്ന് വാശിപിടിക്കുന്നു...

ഈ വാതിലുകള്‍ തുറക്കപ്പെടുമെങ്കില്‍.....

മേഘ പി. ടി.

സെന്റ് ജോണ്‍സ്

എച്ച്.എസ്സ്. എസ്സ്. പറപ്പൂര്‍,

തൃശൂര്‍