ഹൈഡ് ആന്ഡ് സീക്ക്
എം ജി ശശി ,ടി ജെ രവിയെ കേന്ദ്ര കഥാ പാത്രമായി അവതരിപ്പിക്കുന്ന ടെലി ഫിലിം ആണു "ഒളിച്ചേ ..കണ്ടേ '. തനി ഗ്രാമീണ ഭാഷയില് അവതരിപ്പിച്ചിട്ടുള്ള ഈ ഫിലിമിലെ എന്നെ ഏറ്റവും അധികം സ്പര്ശിച്ച ഭാഗം ഇതിലെ മാതാപിതാക്കളുടെ മാളുവിനോടുള്ള സ്നേഹമാണു. ഇന്ന് സമൂഹത്തില്നിന്നും അറ്റ് പോകുന്ന ഒന്നാണ സ്നേഹം .പ്രിയപ്പെട്ട മകളുടെ അകാല മരണത്തിനു ശേഷം ആ വൃദ്ധ മാതാപിതാക്കള് ഭാവനയില് കാണുന്ന
മകളുടെ ചിത്രങ്ങളാണ് ഫിലിമിനെ മുന്നോട്ടു നയിക്കുന്നത് . ജീവിച്ചു കൊതിതീരാത്ത മാളുവും സ്നേഹിച്ചു മതിവരാത്ത അച്ചുതന്കുട്ടിയും കുഞ്ഞുലക്ഷ്മിയും .
വേണമെങ്ങ്കില് ഒരു രണ്ടര മണിക്കൂര് സിനിമയാക്കാനുള വിഷയം ഇതിലുണ്ട് .പക്ഷെ ,അപ്പോളേ നഷ്ട്ടപ്പെടുന്നത് ഇതിന്റെ ഭംഗിയായിരിക്കും ...
ഒരു അര മണിക്കൂര് കൊണ്ട് വലിയൊരു ആശയ ലോകം തന്നെ തുറന്നിടാന് സംവിധായകനു സാധിക്കുന്നുട് . ബോറടിക്കാതെ കാണാന്‍ നമുക്കും .
പാവപ്പെട്ടവന് നീതി ലഭിക്കില്ലെന്നും സമ്പന്നര്‍ക്ക് എവിടെയും വിജയം ലഭിക്കുമെന്നും സൂചന നമ്മെ ചിന്തിപ്പിക്കും .മകളുടെ മരണത്തിന്റെ ന്യായത്തിന് നടക്കുന്ന അച്ഛന് നഗരത്തിന്റെ തിരകുകളില്‍ നീതി കിട്ടില്ല . അയാളുടെ ദുഖത്തിനു അവിടെ പ്രസക്തിയില്ല . പണക്കാരുടെ കാശിനു മുന്പില്‍ അയാള്‍ തോല്‍ക്കുന്നു .ഈ സിനിമയിലെ യാഥാര്‍ത്ഥ്യം ,അച്ഛന് മകളുടെ മരണത്തിന്റെ നഷ്ട്ട പരിഹാരത്തിന്നായി വക്കീലിനെ കാണാന്‍ പോകുന്നത് മാത്രമാണ് .ബാക്കിയെല്ലാം മാതാപിതാക്കളുടെ തോന്നലുകള്‍ ..... ശരിക്കും മരിച്ചവര്‍ നമ്മുടെ ചുറ്റിലും ഉണ്ടോ?
അറിയില്ല .. പക്ഷെ ,മാളു നമ്മെ പലതു ഓര്‍മിപ്പിക്കുന്നു ... സത്യം പറഞ്ഞാല്‍ ജീവിതത്തോട് നമുക്കുള്ള പ്രണയമാണ് മരണത്തെ അകത്തി നിര്‍ത്തുന്നത് . ശരിക്കും ഒരു ഒളിച്ചു കളി .. ജീവിതവും മരണവും തമ്മില്‍ ഒരു ഒളിച്ചേ ..കണ്ടേ കളി തന്നെയാണ് .. കുട്ടികളുടെ ഒരു കളിയാണ് " ഒളിച്ചേ കണ്ടേ". എത്രമാത്രം അര്‍ത്ഥ സാധ്യത നിറഞ്ഞതാണ്‌ ഈ കുട്ടികളിയെന്നു നാം വിസ്മയപ്പെട്ടുപോകും!
No comments:
Post a Comment